Sulmuesi i Manchester City-t, Sergio Aguero ka pësuar një aksident të rëndë, pasi taksia me të cilën po udhëtonte ka dalë nga rruga, për shkak të shpejtësisë së madhe. Sulmuesi argjentinas ka qenë në Amsterdam të Holandës, pasi kishte ndjekur një koncert të mikut të tij Maluma, por taksisti humbi kontrollin e mjetit dhe u përplas me një shtyllë ndriçimi jashtë rruge.
Si pasojë e aksidentit, Aguero pritet t’i mungojë skuadrës së Pep Guardiolës për të paktën dy muaj, duke i shkaktuar dhimbje koke trajnerit spanjoll. Argjentinasi kishte nisur në mënyrë perfekte këtë fillim sezoni, me 7 gola në tetë takimet e para, dndërsa përveç Premiere League, nuk do të jetë i gatshëm as për dy përballjet e rëndësishme të Champions, përballë italianëve të Napolit.