Connect with us

Hi, what are you looking for?

Formula 1

Aksidenti që i kushtoi titullin Hamilton, Latifi zbulon si u kërcënua

Pas aksidentit që i kushtoi titullin kampion bote Lewis Hamilton në vitin 2021, Nicholas Latifi zbuloi një ngjarje të rëndë.

Ndërsa ishte duke udhëhequr Çmimin e Madh të Abu Dhabit, i fundit i sezonit 2021, Lewis Hamilton mendoi se po shkonte drejt titullit të tetë të kampionatit botëror. Megjithatë, gjithçka ndryshoi në xhirot e fundit pas një aksidenti me Nicholas Latifin. Me Max Verstappen që përfitoi nga vendimet e menaxherit të garës, për të kaluar përpara shoferit të Mercedes dhe kështu fitoi titullin e tij të parë kampion bote. Pra, aksidenti me Latifin pati pasoja të mëdha, duke përfshirë edhe kanadezin.

“Është vetëm një pjesë e trishtuar e botës në të cilën jetojmë“-theksoi kanadezi.

Në komentet e raportuara nga Formula 1, Nicholas Latifi zbuloi se kishte marrë kërcënime të shumta pas aksidentit të tij, gjë që e shtyu të punësonte truproja. “Pasi kam marrë kaq shumë kërcënime duhej të punësoja truproja. Mund të duket e çmendur për disa njerëz, por në fund të fundit, ju kurrë nuk e dini se sa seriozë janë njerëzit për kërcënimet e tyre. Duhet vetëm një në një milion mundësi për t’u përballur me atë person, por ky ishte një rrezik që nuk isha i gatshëm ta merrja. U ktheva në Londër për disa ditë pas garës dhe kisha truproja që më shoqëronin kur dola nga shtëpia. Pra, po, mund të tingëllojë qesharake, mund të tingëllojë budallallëk, por qartësisht i mora seriozisht këto kërcënime, sepse kurrë nuk i dihet se çfarë mund të ndodhë. Është vetëm një pjesë e trishtuar e botës në të cilën jetojmë”, tha shoferi i Williams.

Lajme të tjera

Champions League

Manchester City dështoi te penalltitë përballë Realit të Madridit, duke i thënë lamtumirë Champions League. Rrugëtimi i kampionëve në fuqi u mbyll në çerekfinale,...

Eredivisie

Lajm i keq për tifozët e Vitesses, skuadër e Eredivisies. Përmes një njoftimi zyrtar për shtyp, KNVB (d.m.th. Federata Holandeze e Futbollit) njoftoi se...

Featured

Aksionet e familjes Halili te Tirana dalin në shitje. Zyra e Përmbarimit privat Albase ka shpallur daljen në ankand të 66% të aksioneve të...

Serie A

Mesfushori i Interit, Hakan Calhanoglu ka dhënë një intervistë për faqen humoristike sportive “Gli Autogol”, ku ka rrëfyer dhe aspekte të tjera të shokëve...