Wrexham, klubi më i vjetër uellsian dhe klubi i tretë më i vjetër në planet, siguroi fundjavën e kaluar ngjitjen nga National League në League Two.
Suksesi i festua gjatë nga tifozët e skuadrës 158-vjeçare, ndërkohë që në shtypin britanik qarkulloi lajmi i kalimit të Gareth Bale te Wrexham.
Ish-sulmuesi i njohur uellsian, u tërhoq nga futbolli në janarin e këtij viti. 33-vjeçari ka reaguar pas lajmeve të fundit, duke theksuar se nuk ka ndërmend t’i rikthehet futbollit aktiv.
Lexo edhe:
- Nga Spanja, Atletico arrin marrëveshjen me mbrojtësin e Leicester
- “Shkëlqimi dhe rënia” e Lampard, 1 pikë në 10 ndeshje
- Nuk ka vend te Barça, mesfushori përplas në merkato Juventus-Inter
- Disiplina/ Gjobiten Vllaznia e Tirana, pezullohet me pesë ndeshje lojtari i Kastriotit
Aktori i njohur Ryan Reynolds, një nga pronarët e klubit historik, fitoi publikisht Gareth Bale t’i bashkohet skuadrës, por dëshira nuk do t’i plotësohet.
“Jo, nuk do të rikthehem. Nuk mendoj se ka shanse të ndodhë bashkimi im me Wrexham. Jam i sigurt se do të bisedojmë dhe do të bëjmë shaka, por unë jam i lumtur këtu ku jam tani.
Po kaloj kohë me fëmijët dhe gruan time. Po rikuperoj kohën e humbur gjatë viteve ku isha i fokusuar plotësisht te futbolli. Po shijoj familjen time dhe po argëtohem duke luajtur golf”, theksoi Bale.
