Featured

Al-Khelaifi vendos në pikëpyetje të ardhurat e Barcelonës: Si qenka kjo puna e shitjes së aseteve?

Barcelona ishte një nga klubet më aktive në merkaton e fundit verore me katalanasit që transferuan tetë futbollistë si një nevojë e trajnerit Xavi Hernandez për të rikthyer blaugranët konkurrues në arenën ndërkombëtare.

Katalanasit, edhe pse në vështirësi financiare e gjetën mënyrën për të bërë goditje të bujshme madje sakrificat shkuan deri në pikën ku drejtuesit shitën edhe disa asete të klubit për të regjistruar emra si Lewandowski, Raphinha apo Kounde. Por, kjo mënyrë duket se i ka bërë përshtypje presidentit të PSG, Nasser Al-Khelaifi i cili thekson se nuk është i sigurt nëse diçka e tillë është e ligjshme ndërsa fton UEFA-n të hetojë.

“A është drejtë që Barcelona të shesë aksione për të transferuar futbollistë? Jo, për mua nuk është e drejtë. Nuk jam i sigurt nëse diçka e tillë lejohet, sepse në këtë mënyrë mund të procedojnë edhe klubet e tjera. Sigurisht që UEFA ka rregullat e saj në lidhje me pjesën ekonomike të klubeve dhe besoj se ata do ta marrin në konsideratë edhe rastin e Barcelonës.

Rregullat e reja financiare janë një zhvillim pozitiv, por duhet të tregohemi të kujdesshëm sepse ka nivele të rrezikshme të borxheve dhe më pas marrëveshje si me “magji”për të rregulluar bilancet janë të rrezikshme”, tha Al-Khelaifi.

Të Fundit

EVENTET NË SUPERSPORT

To Top
Evolve Web Agency Evolve Web Agency