Asnjë problem për Crisitano Ronaldon. Ylli portugez është stërvitur rregullisht me grupin këtë të enjte dhe do të jetë në fushën të dielën në mbrëmje ndaj Napolit, kështu që trajneri i bardhezinjëve Massimiliano Allegri mund të marrë frymë lirisht. Fillimisht u mendua se Ronaldo do të mungonte në supersfidën e San Paolos pasi kishte marrë një goditje në ndeshjen e fundit ndaj Bolognas por gjithçka rezultoi një alarm fals. CR7-ta do të zbresë rregullisht në fushë për të ndihmuar Juven që të mbyllë përfundimisht garën për titull në Serie A, pasi aktualisht diferenca me Napolin është 13 pikë dhe në rast të një suksesi të bardhezinjëve do të shkonte në +16, edhe pse e rëndësishme për skuadrën e Allegrit është të mos humbasë.
