Në Shkodër prej pak kohësh po “zien” lajmi se Alban Xhaferri, që financon për basketbollin shkodran, mund të marrë drejtimin e skuadrës së futbollit. Sot, në një prononcim që ka dhënë për “FanZone”, Alban Xhaferri ka pohuar se dëshira ekziston, por për momentin nuk ka ende asgjë konkrete. Fillimisht Xhaferri foli për basketbollit, duke treguar pse Vllaznia e ka të pamundur për momentin të zbresë mbi parket.
“Kemi një skuadër me lojtarë të huaj dhe në këto kushte ne nuk mund të fillojmë kampionatin, pasi vetëm 5 individë janë në Shkodër. Liga raJonale? do të ishte një gjë pozitive, sepse Vllaznia merr pjesë edhe në Ligën Ballkanike. Për ne do të ishte favorizuese, pasi edhe distanca do të jetë më e afërt.”
Vllaznia e futbollit: Bashkia ka aksionet e klubit të futbollit. Ka qenë një indicie e tifozëve që kanë pëlqyer ecurinë skuadrës së basketbollit. Unë gjithmonë jam tifoz i Vllaznisë, po pse jo, dëshira ime është ta pranoj. Këto gjëra duhet të zgjidhen me Bashkinë për të gjetur një marrëveshje. Për momentin, nuk mund të them asgjë, pasi është thjesht një dëshirë”.
