Në prag të ndeshjes Luftëtari-Teuta, në krah të trajnerit Blendi Shkëmbi në konferencë për shtyp ishte edhe një ish i gjirokastritëve, mesfushori Albano Aleksi, që këtë verë iu bashkua bregdetarëve dhe ka siguruar një vend si titullar.
Sa emocione keni para përballjes me të shkuarën?
Normale që është një ndeshje e veçantë për mua, pasi kam luajtur me ata. Megjithatë shpresojmë të bëjmë një lojë të mirë dhe të arrijmë të qëndrojmë në vendet e para.
Luftëtari ka nevojë për pikë, pasi ndodhet në vendin e parafundit. Sa e vështirëson kjo takimin për Teutën?
Siç u duhen atyre pikët, na duhen edhe ne. Jemi stërvitur mirë këtë javë, ndaj shpresojmë të bëjmë një lojë të mirë dhe të arrijmë të marrim tri pikët nga kjo transfertë.
