Alessio Romagnoli zgjedh Lazion. Ish-kapiteni i Milanit, që u largua nga kuqezinjtë pasi i përfundoi kontrata, kishte marrë në shqyrtim disa oferta të ardhura në drejtim të tij, por në fund ka zgjedhur kryeqytetasit.
Vendimtare ka qenë oferta e fundit e Lazios, që i ka ofruar mbrojtësit 2.9 milionë euro neto dhe shumë bonuse të tjera, që mund ta çojnë pagën edhe më tepër se 4 milionë euro në sezon.
Kjo ofertë ka joshur jo pak Romagnolin, që ka vendosur të refuzojë Fulhamin, pasi dëshiron të qëndrojë në Itali dhe në orët e ardhshme pritet të vijë zyrtarizimi, që do ta lidhë mbrojtësin me Lazion deri në verën e 2027-ës.
Mbrojtësi 27-vjeçar mbyll kështu përfundimisht një epokë 7-vjeçare me fanellën e Milanit, ku ishte titullar, mbajti shiritin e kapitenit dhe i dha fund me titullin kampion në fund të muajit maj.
