Euro 2020

Algoritmet/ Italia skuadra më e mirë, por Franca mbetet favorite

Tani është një moment bilancesh. Europiani qëndron dy ditë pushim, dy ditë që, duke parë si u mësuam me futbollin, do të na duken dy muaj. Ka pak kohë për të hedhur një vështrim dhe për të zgjedhur të preferuarit e këtij kampionati, ndërkohë që ata që punojnë me futbollin, provojnë të bëjnë klasifikime të veçanta, më shkencore. Le të njihemi me disa nga më interesantet.

Cila është skuadra favorite pas përfundimit të fazës së grupeve? Përtej preferencave, OPTA merr në konsideratë rezultatet e së shkuarës dhe rendimentin në Europian për të simuluar plot 40 mijë herë përfundimin e turneut, si në një videolojë. Në fund, i përdor këto 40 mijë simulime për të kuptuar se kush ka më shumë mundësi për të fituar.

Me parashikimet të përditësuara pas përfundimit të fazës së grupeve, Franca është favorite me 19.6 shanse për të ngritur Kupën, pastaj Belgjika me 17.9%, Spanja me 12.9%, Gjermania ka 9.3% shanse, më tej dyshja Angli-Holandë me nga 8.5% dhe Italia, edhe pse ka bërë shumë mire, renditet e 7-ta me 8%. Italianët sipas Optas, kanë 76% shanse për të shkuar në çerekfinale, por aty nuk janë favorite, pasi shanset reduktohen në 29.5% për të kaluar një mes Belgjikës dhe Portugalisë.

(Tabela e skemës).

Wallabies, një kompani që përdor inteligjencën artificiale për të bërë analiza mbi futbollin, bën një studim ndryshe, duke përdorur një algoritëm ku peshon rendimenti i individëve dhe i skuadrës me vlera nga 1 në 1000. Cila është skuadra më e mirë me këtë analizë? Italia me 82.3 pikë, e dyta Holanda me 80.84 pikë dhe pastaj Belgjika me 57.17 pikë. Të tjerat, pastaj, sipas radhës, Anglia e katërta, pastaj Franca, Gjermania, Uellsi surprizë dhe Portugalia.

Nga skuadra, te individët. Cilët janë më të mirët e turneut deri tani? Klasifikimi i Wallabies thotë i pari Kevin De Bruyne, që ka luajtur vetëm një ndeshje e gjysmë, por bëri diferencën me atë gol fenomenal ndaj Danimarkës dhe jo vetëm. I dyti është një emër jo aq i pritur, Donyell Malen, sulmues i PSV-së, që në Euro fitoi një fanellë të Holandës, nuk shënoi por dërgoi në gol Depay-n ndaj Austrisë dhe shihet që është mirë. Vendi i tretë për Ciro Immobilen, “bomberin” e të kaltërve, dhe më pas ka shumë Itali e Belgjikë: Spinazzola, Di Lorenzo, Thorgan Hazard, një tjetër holandez Frankie de Jong dhe sigurisht nuk mund të mungonte Cristiano Ronaldo.

Është një klasifikim i diskutueshëm, por duhet patur parasysh se nuk është një vlerësim njerëzor, kompjuteri, sipas një algoritmi të krijuar, mban parasysh çdo lëvizje dhe çdo veprim të lojtarëve dhe pastaj i krahason për të kuptuar se kush ka bërë më mirë.

Favoritët, sipas OPTA-s

Skuadra                                Shanset

Franca                                     19.6%

Belgjika                                  17.9%

Spanja                                    12.9%

Gjermania                              9.3%

Anglia                                     8.5%

Holanda                                  8.5%

Italia                                       8%

Klasifikimi i skuadrave më të mira ne grupe, sipas Wallabies

  1. Italia
  2. Holanda
  3. Belgjika
  4. Anglia
  5. Franca
  6. Gjermania
  7. Uellsi
  8. Portugalia

 

Lojtarët më të mirë deri tani, sipas Wallabies

  1. Kevin De Bruyne
  2. Donyell Malen
  3. Ciro Immobile
  4. Spinazzola
  5. Di Lorenzo
  6. Thorgan Hazard
  7. Frankie de Jong
  8. Cristiano Ronaldo

Autostop Albania, tregu i makinave me i madh per makina ne shitje ne shqiperi, makina ne shitje, makina me qera ,kerkoj makine, kerkoj makina, makina ne shitje, shes blej makina, servis makinash,makina ne shitje,autostop makina, makina ne shitje, kerkoj makine,kerkoj makina okazion,karrotrec, makina.

autostop.al

makina ne shitje, makina me qera, servise, pjese kembimi, tregtar makinash,kerkoj makina,tregu i makinave ,tregu makinave shqiperi,tregu makinave,autostop albania,porsche cayenne me qera, makina per shitje ne tirane,auto a1 albania, auto a1 tirane, shes makina, auto shitje hertz albania makina ne shitje shijak, shes blej, porsche albania, oferta makina per shitje shqiperi ,makina ne shitje ne shqiperi, makina ne shitje, makina ne shitje okazion, makina ne shitje ne gjermani, makina blej makina, makina ne shitje gjermani, makina gjermane ne shitje, ford albania, pjese kembimi te perdorura, pjese kembimi kadiu, pjese kembimi per makina benz

Më të lexuarat

To Top
Evolve Web Agency Evolve Web Agency