Connect with us

Hi, what are you looking for?

Futboll

Ali Sowe shkëlqen në acarin bullgar me 2-golësh!(Video)

Ali Sowe është një emër që do të mbahet mend gjatë në kampionatin shqiptar dhe sidomos nga tifozët e Skënderbeut. Sulmuesi nga Gambia i cili është në pronësi të Chievos në këtë sezon po aktivizohet te gjigandët bullgarë të CSKA-së së Sofjes. Me 21 golat e tij në Superiore sezonin e kaluar Sowe u shpall kryegolashënues i kampionatit shqiptar dhe ndihmoi Skënderbeu të fitonte titullin kampion, por në këtë sezon golat e Soëe nuk po u mungojnë vetëm korçarëve por edhe Superiores shqiptare, pasi kampionatit tonë i mungon një bomber si ai që shënonte në vazhdimësi duke rivalizuar me Gurin në garën për Këpucën e Artë deri në javën e fundit. Megjithatë në Bullgari deri para kësaj të diele 24-vjeçari afrikan nuk po kalonte një moment shumë të mirë pasi kishte realizuar vetëm 1 gol në kampionat ku përgjithësisht i nis ndeshjet gjithmonë nga stoli dhe 3 gola në Kupë. Megjithatë e diela ishte dita e Sowe. Trajneri i CSKA-së së Sofjes e aktivizoi titullar bomberin nga Gambia për herë të 4-ët në këtë sezon në kampionat dhe sulmuesi ia shpërbleu besimin teknikut serb Nestor Jevtic që njihet nga të gjithë me nofkën El Maestro, pasi realizoi 2-herë duke i dhënë fitoren 2-1 CSKA së Sofjes ndaj Botev Plovdiv, skuadrës që eliminoi Partizanin para dy sezonesh në turin e parë të Europa League. Një dygolësh që erdhi në një terren të rënduar nga bora, ashtu siç ndodhi ekzaktësisht 28 shkurtin e kaluar kur Soëe i realizonte dy herë Kukësit në Zeqir Ymeri në një impiant të zbardhur nga bora. I ftohti i acartë i sjell fat sulmuesit nga Gambia që këtë diele arriti shifrën e 3 golave në kampionatin bullgar dhe 6 në total me CSKA-në e Sofjes.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...