Merkato

Alissonin e duan Reali dhe Napoli, Roma gati t’i rinovojë kontratën

Paraqitjet fantastike të Alisson me fanellën e Romës duket se kanë bindur Real Madrid për t’u hedhur në sulm për shërbimet e portierit. Sipas “Mundo Deportivo”, presidenti Florentino Perez ka mbetur i impresionuar nga forma e “gardianit” brazilian dhe mendon ta sjellë në Madrid. Një interesim që i ka shkuar në vesh drejtorit sportiv Monchi, që në këtë pikë synon t’i rinovojë kontratën portierit me një klauzolë 90 milionë euro. Në fakt, për Alisson ka bërë një hap konkret Napoli, që në fund të sezonit nuk do të ketë më shërbimet e Reinas, cili ka vendosur t’i bashkohet Milanit. Sipas mediave italiane, drejtuesit verdhekuq kanë refuzuar 40 milionë euro të ofruara nga De Laurentiis për portierin brazilian.

To Top