Fidan Aliti erdhi në verë te Skënderbeu dhe po shndërrohet në një pikë shumë të fortë te skuadra korçare. Sot gjeti edhe golin e parë në Korçë, atë që zhbllokoi takimin me Laçin.
Sa i lumtur jeni për këtë gol?
Aliti: Shumë i lumtur që shënova dhe për më tepër, që morëm edhe 3 pikët, me një fitore shumë të bukur dhe bindëse.
Si ia dilni që harroni problemet jashtë fushës?
Aliti: Të them që nuk e mendojmë, do ishte hipokrizi, por në fushë dhe në stërvitje ne bëjmë detyrën tonë dhe japim maksimumin, pa menduar për gjëra të tjera. Duam të luajmë sa më mirë dhe të argëtohemi sa më shumë në fushë, pasi për të tjerat, merren juristët e klubit.
