Premier League mbetet gjithmonë një destinacion i preferuar për shumë lojtarë, ndërsa gjatë merkatos së kësaj vere, Newcastle ka rritur ndjeshëm “temperaturat”.
Skuadra që siguroi rikthin në Champions League, pas një sezoni shumë të mirë në “ishull”, ka nisur punën prej kohësh për të pasuruar organikën dhe për të përforcuar skuadrën.
Lexo edhe:
- VIDEO/ Përfundon ëndrra Champions, eksperienca e Zalgiris eliminon Strugën
- Trajneri Linfield paralajmëron skuadrën: Përgatituni për më të keqen, në Shqipëri na lanë pa top
- Në Razgrad për të vazhduar ëndrrën Champions, Ballkanit të Dajës i duhet edhe një tjetër sforco
- VIDEO/ Partizani shpërdoron pa fund, Bate Borisov dy gola me vetëm dy raste
Tani, kur sezoni i ri është në horizont, në shtëpinë e Newcastle nuk mendohet vetëm për merkaton në derën hyrëse, por edhe në atë dalëse.
Ish-sulmuesi i St-Etienne dhe Monaco, Allan Saint-Maximin është informuar mbi sezonin e ri dhe ai nuk do të ketë shumë hapësira në rast se qëndron.
Kjo ka vendosur në lëvizje lojtarin, por pavarësisht ofertave nga Premier League, francezi duket se e ka vendosur të ardhmen e tij dhe ai do të transferohet në Arabinë Saudite.
Al-Ahli ka kontaktuar drejtëpërdrejtë drejtuesit e skuadrës angleze duke u propozuar 25 milionë euro për shërbimet e Saint-Maximin, ndërsa lojtarit i është propozuar një ofertë me pagë rreth 15 milionë euro në vit.
Një ofertë që edhe Newcastle do t’i interesonte shumë, pasi prej kohësh klubi po ndjek me interes lojtarin e Leicester, Barnes.
Për shërbime e sulmuesit interesohet edhe Napoli, por me ndërhyrjen e klubit saudit, italianët vështirë se mund të rrisin ofertën e tyre për të ndryshuar diçka në këtë operacion.
1465061807
