Massimiliano Allegri është i përqëndruar tek e tashmja dhe nuk mendon aspak për të ardhmen. Trajneri livornez është i lumtur te Juventusi aq sa nuk ka as më të voglin dyshim kur flet për të ardhmen edhe pse vëmendja e tij është te sezoni aktual, sezon në të cilin Juventusi i tij përveç titullit të 8-të kampion radhazi në Itali synon të triumfojë edhe në Champions League. Në konferencën për shtyp përpara sfidës së kësaj të premteje ndaj Frosinones, i pyetur për të ardhmen e tij, Allegri deklaroi: “ Unë ndodhem prej 5 vitesh te Juventusi dhe jam i lumtur këtu. Për momentin jam i përqëndruar vetëm te trofetë që mund të fitojmë në fund të sezonit”, nënvizoi tekniku i bardhezinjëve, duke snobuar përfundimisht ofertat.