Antony ishte padyshim goditja më e bujshme në merkaton e verës për Manchester United. “Djajtë e Kuq” këmbëngulën për ta transferuar nga Ajax dhe ia arritën falë shifrës së 95 milionë eurove. Por, sezoni i parë me anglezët nuk shkoi sipas pritshmërive me 23-vjeçarin që pati nevojë për kohë për t’u përshtatur me futbollin në “ishull”.
Megjithatë, në ndeshjet e fundit të sezonit aktual, por sidomos në atë pasardhësin, Antony premton se do të shtojë kontributin në skuadër ndërsa nuk harroi të falenderonte edhe shokët që e ndihmuan më së shumti në fillimet e tij në Manchester.
Lexo edhe:
- Ish-sulmuesi italian ‘provokon’ Milanin: Nuk fitojnë as ndaj të rinjve të Interit
- Zyrtare/ Bielsa rikthehet në pankinë, firmos me përfaqësuesen e njohur
- Largohet nga Tottenham në verë, Lloris drejt Arabisë Saudite
- Bono: Ndeshja me Juven, ne e duam trofeun e Europa League për shumë arsye
“Tani ndjehem më mirë dhe më duket sikur jam ambientuar edhe me qytetin. Më pëlqen shumë jeta në Manchester dhe shpresoj që këtu të kaloj shumë kohë, dua të qëndroj gjatë. Casemiro, Fred dhe Lisandro Martinez më kanë ndihmuar shumë, por nuk mund të lë pas as Fernandes, De Gea apo Dalot. Për mua këto gjeste kanë të bëjnë shumë dhe më bëjnë të ndihem shumë mirë”, u shpreh Antony.
