Amine Harit është surpriza e këtij sezoni në Bundesligë. Fantazisti 22-vjeçar po shkëlqen dhe po udhëheq Schalken me gola dhe asiste ku në 6 ndeshje deri tani ka shënuar 4 gola e ka dhënë 2 asiste. Niveli që po tregon ka tërhequr vëmendjen e disa klubeve të rëndësishme, fillimisht Bayern Munich por edhe Arsenal, Manchester United dhe Roma. Drejtuesit e Schalkes kanë nisur menjëherë bisedimet për të zgjatur kontratën e tij që skadon në vitin 2021 për të mos e lënë që në verën e ardhshme të mbetet vetëm me 1 vit kontratë çka do të ndërlikonte më tej situatën.
