Enea Mihaj u transferua në merkaton e verës në Portugali. Mbrojtësi i kombëtares shqiptare, firmosi me Famalicao, ekip me të cilin numëron 27 ndeshje deri tani.
Emisioni “ANALIZË KUQ E ZI”, që transmetohet çdo të hënë në SportNews (18:00) nën drejtimin e gazetarit Sokol Xhihani dhe videoanalistit Fation Bardhi, solli statistikat e Mihajt në ndeshjen e fundit.
Famalicao fitoi 1-3 në Santa Clara, sfidë ku 24-vjeçari shkëlqeu me performancën e tij. Mihaj realizoi aksionet në masën 89% dhe fitoi 84% të dueleve përballë lojtarëve kundërshtarë.
Qendërmbrojtësi realizoi pasime të sakta në masën 91%, ndërkohë që fitoi edhe 75% të dueleve ajrore. Gjatë ndeshjes, ai rikuperoi edhe nëntë topa.