Një nga rezultatet surprizë fundjavën e kaluar në La Liga ishte fitorja 0-1 e Rayo Vallecanos në fushën e Sevillas. Ndër më të mirët në fushë në këtë sfidë të luajtur në “Sanchez Pizjuan” ishte pa dyshim anësori kuqezi, Ivan Balliu. I pakalueshëm në krahun e djathtë, por edhe me iniciativë në fazën sulmuese, 30-vjeçari ofroi një performancë shumë të mirë, çka e tregojnë edhe statistikat e zbuluara në emisionin “Analizë Kuqezi”.
I saktë në pasim në kuotën 91%, si dhe 88% të aksioneve të realizuara, shifra të denja për një lojtar të madh. Ka qenë i saktë në 75% të krosimeve të tij, ndërsa topat e humbur prej tij ishin vetëm 2: garanci për Rayon në krahun e djathtë.