Minutat e pakta në Serinë A me fanellën e Salernitanës, bënë që Frederik Veseli të zgjedhë transferimin te Benevento në Serinë B, ku po luan rregullisht dhe po provon të rikthehet në formën e tij më të mirë.
Në emisionin “Analizë Kuqezi”, në SuperSport, u publikuan edhe shifrat e mbrojtësit në këto javë të para të Serisë B, ku evidentohet një saktësi 85% në pasime dhe 69% e dueleve të fituara.
Natyrisht që niveli në Serinë B është më i ulët se në elitën e futbollit italian, megjithatë fakti që Veseli po luan rregullisht sjell qetësi edhe për trajnerin Edi Reja në prag të ndeshjeve me Izraelin e Islandën, pasi zgjedhjet në mbrojtje janë të limituara.
