Në emisionin “Analizë Superiore” në Supersport, nën drejtimin e gazetarit Sokol Xhihani dhe Fation Bardhit, videoanalist i kombëtares U19, dolën shumë statistika rreth asaj që ndodhi në fazën e parë të Abissnet Superiores.
Pasimet e sakta janë shumë të rëndësishme sa i përket nisjes së ofensivës së skuadrave, por jo vetëm. Gabimet nuk mungojnë në kampionatin tonë, teksa më poshtë është renditja e skuadrave me numrin më të madh të topave të humbur.
Në krye kampionët e Teutës me 948 topa të humbur në total ose 64.69 topa për ndeshje. Më pas vjen Partizani (944), ndërsa podi i “gafaxhinjve” plotësohet nga Vllaznia (923).
Kukësi është ekipi që ka gabuar më pak se të tjerët në pasime. Skuadra e Longos numëron 781 topa të humbur në fazën e parë, teksa kanë bërë mirë në këtë aspekt edhe Skënderbeu e Kastrioti.