Teuta mposhti me rezultatin 0-1 në Kamëz, Kastriotin duke ruajtur matematikisht shanset e saj për një vend në Kupat e Europës. Në emisionin Analizë Superiore në Supersport nën drejtimin e Sokol Xhihanit dhe videoanalistit të kombëtares U19, Fatjon Bardhi, në bazë të statistikave që regjistroi brenda 90-minutëshit, më i miri i ndeshjes u shpall mefushori i durrsakëve, Ledio Beqja.
Futbollisti i Teutës fitoi 21 nga 31 duele ndërsa regjistroi në masën 80% pasimet e sakta. Gjatë sfidës, Beqja ia doli të rikuperonte edhe 20 topa nga të cilat katër në gjysmëfushën kundërshtare.