Edhe pse pozicionohet në vendin e 3-të nga fundi pikërisht në zonën play-out, Partizani i Ilir Dajës është skuadra me më shumë duele në fazën e parë të kampionatit. Duke iu referuar stastikave të publikuara në emisionin “Analizë Superiore” në Supersport mesatarja e kampionatit përsa i përket dueleve në të cilat ka marrë pjesë një skuadër gjatë këtyre 9 javëve është 640 me 64.57 duele për ndeshje me një përqindje prej 59.77 të dueleve të fituara mesatarisht nga një ekip. Vetëm Partizani është future në 784 duele nga të cilët mesatarisht 77.79 duele për ndeshje, me skuadrën e Dajës që ka fituar 60.3 % të tyre.
Edhe pse kanë marrë pjesë në më shumë duele të kuqtë nuk janë skuadra që kanë fituar më shumë prej tyre pasi vendin e parë e mban Tirana me 63.3 % saktësi e ndjekur nga Skënderbeu me 63.1 % dhe Laçi me 62.3%. Në vendin e fundit të këtij klasifikimi special qëndron Dinamo që ka marrë pjesë në më pak duele vetëm 587 në 9 takime dhe ka fituar vetëm 53.2 & të tyre. Për shumë detaje shikoni me imtësi tabelën më poshtë.
