Partizani mposhti në transfertë me rezultatin 0-1 Egnatian, një sfidë e cila kishte një rëndësi të madhe për të kuqtë duke qenë se pretendojnë kualifikimin në Kupat e Europës. Në emisionin Analizë Superiore në Supersport nën drejtimin e Sokol Xhihanit dhe videoanalistit të kombëtares U19, Fatjon Bardhi, në bazë të statistikave është përzgjedhur mbrojtësi Eneo Bitri.
Ky i fundit regjistruar 100% pasime të sakta gjatë 90-minutëshit ndërsa fitoi edhe 11 nga 16 duelet në të cilat u përfshi, pa lënë këtu mënjanë edhe 17 topa të rikuperuar, katër prej të cilëve në gjysmëfushën kundërshtare.