Tashmë nuk ka më dilema: Carlo Ancelotti është kandidati kryesor për stolin e kombëtares së Brazilit. Pesë herë kampionët e botës, u ndanë me Titen pas përfundimit të Katar 2022.
Skuadra seleçao i është besuar përkohësisht Ramon Menezes. Presidenti i Federatës Braziliane të Futbollit (CBF), Ednaldo Rodriguesha ka pranuar publikisht interesimin për trajnerin e Real Madrid.
Në deklaratën e dhënë për BeIN Sports, kreu i futbollit brazilian u shpreh: “Nuk po them që Ancelotti ka marrë një ofertë nga ne, por ne duam të bindemi nëse ai dëshiron të vijë këtu.
Lexo edhe:
- Nica “magjistari” i Laçit, si transformoi kurbinasit në kohë rekord
- Tirana rekord fitoresh, tifozët ëndërrojnë festën e dyfishtë
- Stadiumi i ri si Bombonera në Argjentinë, përcaktohet studio fituese
- Incidenti në Shqipëri, Federata Ndërkombëtare e Peshëngritjes heq flamujt nga podium
Kemi një plan A dhe po e them sinqerisht për herë të parë. Është e kotë ta fshehim: Ancelotti është i preferuari ynë”.
Trajneri italian, prej vitesh një ndër më të mirët dhe më fituesit në qarkullim, ka kontratë deri në vitin 2024 me “Los Blancos”.
Raporti fantastik që krijon me lojtarët është një nga pikat e tij më të forta. 63-vjeçari cilësohet në Brazil si personi i duhur për të rikthyer Kombëtaren te fitimi i Kupës së Botës.
