Carlo Ancelotti doli në konferencë për shtypin para derbit me Atleticon e Madridit, ku foli për tema të ndryshme. Trajneri italian theksoi edhe një herë se skuadra “merengues” është në një proces ndryshimi brezash.
Derbi i Kupës: “Si të gjithë derbit, duhet të përgatitet në një mënyrë të veçantë. Ne u kthyem në shtëpi pas dy muajsh. Loja po përmirësohet, ndeshja e fundit ishte shumë e mirë (fitore ndaj Valladolidit) dhe do të jetë argëtuese edhe në derbi.”
Lexo edhe
- Zlatani “mpreh gjuhën”, sulmon ashpër argjentinasit, por “kursen” Messin
- Tërhiqet nga detyra shefi i arbitrave në Egjipt, anglezin e kërcënonin për orientimin seksual
- “Final Four”/ Goglat “flasin” në Nyon. Holanda, Italia, Kroacia dhe Spanja mësojnë përballjet
- Ish-lojtari i Barcelonës zyrtarizohet në Arabi, më 3 shkurt përballë Ronaldos
Momenti për të zëvendësuar Kroos dhe Modric?
“Ata janë profesionistë dhe e kuptojnë shumë mirë se çfarë do të thotë ky klub. E dinë cilësinë e kësaj skuadre. Folëm për këtë çështje në fillim i sezonit, është një moment tranzicioni dhe të gjithë duhet ta kuptojnë. Si të rinjtë ashtu edhe veteranët. Ky mirëkuptim dhe durim i veteranëve ishte jetik edhe sezonin e kaluar.”
Objektivi ndaj Atléticos: “Ne mendojmë se kemi mundësinë për të arritur në gjysmëfinale. Ne kemi parasysh forcën e rivalit. Është një ndeshje e veçantë dhe argëtuese, sepse Atlético po përmirësohet.”