Carlo Ancelotti mposht Jose Mourinhon. Everton bën surprizën në javën e parë të Premier League pasi arriti të fitonte brenda në Londër me rezultatin 0-1 përballë vendasve të Tottenham. Në një ndeshje ku Everton ishte vendosur më mirë në fushë dhe në të cilën me skuadrën nga Liverpooli debutoi si titullar James Rodriguez, gjithçka u vendos nga një gol i sulmuesit Dominic Calvert-Lewin në minutën e 55-të. Një gol me kokë i Calvert-Lewin i cili korigjoi shënjestrën të cilën nuk e kishte Richarlisson në pjesën e parë i cili humbi një gol të sigurt me portën e boshatisur. Nisi me humbje sezoni i Tottenham me Jose Mourinhon që ka shumë nevojë për përforcime. E nisi me këmbën e mbarë sezonin e ri Leicester City që triumfoi 0-3 në fushën e të rikthyerve në Premier League, West Bromëich Albion. Hapi serinë e golave afrimi i ri i kësaj vere, anësori Castagne ndërsa vulosi suksesin e Leicester me dy gola me penallti sulmuesi Jamie Vardy.
