Gjykatësi sportiv në Itali nuk ka dënuar vetëm tifozerinë e Interit por edhe ka vepruar me dorë te hekurt edhe ndaj Lorenzo Insignes dhe Kalidou Koulibaly. Sulmuesi i Napolit ka përdorur tone fyese ndaj gjyqtarit Mazzoleni ndërsa është përleshur edhe me Keita Balde të Interit dhe për këtë arsye është pezulluar me dy ndeshje skualifikim po aq sa edhe Koulibaly që me të verdhin e marrë në sfidën ndaj Interit ka plotësuar numrin e 5 kartonëve të verdhë dhe do të mungojë një ndeshje, ndërkohë me 1 ndeshje tjetër është pezulluar për sjellje jo korrekte ndaj arbitrit. Nuk i ka munguar pezullimit me një ndeshje edhe Marcelo Brozovic i Interit që ka plotësuar numrin e 5 kartonëve të verdhë dhe do të mungojë ndaj Empolit.
