Carlo Ancelotti ka vendosur të jetojë në Londër, edhe pse për momentin nuk është i punësuar në ndonjë skuadër angleze. Sipas “Daily Express”, trajneri italian është zhvendosur në kryeqytetin e Anglisë, aty ku ka në pronësi ende një banesë që nga koha kur drejtonte Chelsea-n, pasi ka projekte për të ardhmen.
Mësohet se 58-vjeçari ka ndërmend të drejtojë sërish në Premier League, me Chelsean, Tottenhamin dhe Arsenalin që mund të ndryshojnë stafin teknik në fund të sezonit. Ndoshta kjo është arsyeja që Ancelotti refuzoi stolin e Kombëtares Italiane, duke deklaruar pak ditë më parë që dëshiron ta vazhdojë karrierën në krye të një klubi.