Mesfushori spanjoll, Ander Herrera do të largohet nga Manchester United në fund të sezonit. Lajmin e ka thënë vetë futbollisti (i skadon kontrata në qershor) nëpërmjet një postimi në Twitter.
Herrera mbërriti në “Old Trafford” në vititn 2014 nga Atheltic Bilbao dhe gjatë 5 viteve të qëndrimit të tij në Manchester ka fituar FA Cup në vitin 2016, Kupën e Ligës dhe Europa League në vitin 2017, kur dhe u votua nga tifozët futbollisti më i mirë i “Djajve të Kuq”. Me fanellën e Manchester United Herrera ka luajtur në 189 ndeshje dhe ka shënuar 20 gola. E ardhmja e tij pritet të jetë te PSG, në Francë.