“S’dua asgjë tjetër më shumë në këtë botë sesa të shkoj në Rusi verën e ardhshme, por nuk ndiej të kem presionin e një kombi për këtë objektiv. Kemi respekt maksimal për Italinë, sepse ka në përbërje lojtarë shumë të mirë. Kemi gjithcka për të fituar dhe futbollistët e mi ndihen mirë.”
Këto ishin fjalët e para që tha trajneri i Suedisë, Janne Andersson, në ditën e parë të grumbullimit për përplasjen me Italinë në play off. E qartë që në fillim, Suedia nuk e ndien veten inferiore përballë katër herë kampionëve të Botës, pavarësisht problemeve të shumta fizike që kanë futbollistët e saj.
Ekdal është shumë më mirë se më parë, po rikuperohet nga një dëmtim që e ka mbajtur gjatë jashtë fushave të blerta, por unë kam besim tek ai. Lindelof nuk ka patur fat në Manchester, por tani në kombëtare do të japë gjithcka mundet.
Mes 25 të grumbulluarve për Italinë, Andersson ka një lojtar të vecantë, mbrojtësin Pontus Jansson, që për dy vite (2014 – 2016) ka qenë në urdhrat e trajnerit të “të kaltërve”, Ventura, kur drejtonte Torinon.
“Sigurisht që dicka do të më tregojë për punën dhe taktikat e Venturës.”
