Mesfushori vlonjat Fation Andoni rezultoi vendimtar për skuadrën e AEL Larisës në kampionatin grek, pasi i dha ekipit një pikë të vlefshme, falë barazimit 2-2 në transfertën ndaj Paneitolikosit.
Futbollisti, që luan prej vitesh në skuadrën e Larisës, shënoi dy herë për të tijtë, duke arritur të rikuperojë disavantazhin prej dy golash për ekipin e tij.
Një tjetër shqiptar, Migjen Basha ishte titullar në transfertën që Aris i Selanikut fitoi me rezultatin e thellë 0-3, ndaj Asteras Tripolit. Mesfushori i Kombëtares Shqiptare luajti nga minuta e parë dhe u zëvendësua në minutën e 57’, kur sfida ishte mbyllur, pasi të tre golat e Arisit u shënuan në pjesën e parë.
