Merkato e janarit tashmë ka përfunduar ndërsa shumë klube dhe lojtarë nuk ia kanë dalë të përmbushin pritshmëritë e tyre. Një nga ata që kërkoi me ngulm të transferohej te Barcelona ishte mbrojtësi i krahut të majtë, Nicolas Tagliafico, por Ajax e pengoi 29-vjeçarin.
Një veprim që ka lënë të zhgënjyer argjentinasin, i cili thekson se Barcelona është një mundësi që të vjen një herë në jetë. “Barcelona ishte një mundësi e jashtëzakonshme për karrierën time, por Ajax nuk më ndihmoi aspak. Jam i zhgënjyer nga shoqëria sepse prej tyre kam humbur një rast unik.
Unë e kuptoj se në janar është e vështirë të lëvizësh dhe më pas klubi të gjejë një zëvendësues, por trasnferim im në Spanjë është diçka që do të na kishte bërë mirë të dyja palëve”, u shpreh Tagliafico.
