Jordan Pickford çon Anglinë në çerekfinale të Botërorit, ku do të përballet me Suedinë. Portieri i Evertonit në Premier League ishte vendimtar me dy 11-metërsha të pritur prej tij në llotarinë e penalltive, me kohën e rregullt dhe shtesën prej 30 minutash që përfunduan në barazim 1-1. Një kualifikim u vuajtur për përfaqësuesen e “Tre Luanëve”, që u tregua e pakujdesshme duke u ndëshkuar me golin e barazimit në minutën e tret shtesë.
Në “Otkrytiye Arena” të Moskës u zhvillua një sfidë e tensionuar me kryesorin amerikan Geiger që ndëshkoi plot 8 lojtarë me kartonë të verdhë, 6 për Kolumbinë dhe 2 për Anglinë.
Pas një pjese të parë pa gola, takimi u zhbllokua nga Harry Kane me 11-metërsh në minutën e 57-të. Carlos Sanchez e teproi në duelin një për një pa top me sulmuesin e Tottenhamit, që u rrëzua në zonë. U desh të kalonin plot 3 minuta që të ekzekutohej penalltia, që u kontestua me forcë nga kolumbianët (i kërkuan kryesorit të konsultohej me VAR-in). Harry Kane goditi saktë në qendër, ndërsa Ospina u hodh nga e djathta e tij.
Atëherë ku anglezët po përgatiteshin për të festuar, Yerry Mina kërceu fuqishëm në zonë pas krosimit të Cuadrados nga këndi, duke e çuat takimin në shtesë. Dy pjesët me nga 15 minuta nuk sollën ndryshim rezultati e për rrjedhojë skuadra që do të kualifikohej u përcaktua nga goditjet e penalltive.
Në “ruletën” e 11-metërshave portieri i Anglisë, Jordan Pickford, priti dy ekzekutimet e fundit të kolumbianëve, ndërsa për anglezët gaboi vetëm Henderson.
Kolmbia Anglia
1 – Falcao + 2 – Harry Kane +
2 – Cuadrado + 3 – Rashford +
3 – Muriel + 3 – Henderson –
4 – Uribe – 4 – Trippier +
5 – Bacca – 5 – Dier +