Derbi mes Milanit dhe Interit është gjithmonë i zjarrtë. I tillë parashikohet të jetë edhe merkato mes këtyre dy ekipeve. Sipas mediave italiane, skuadrat milaneze janë në garë për talentin e Vasco da Gama, Paulinho, i cili ndiqet me interes edhe nga francezët e Paris Saint-Germain. Për 17-vjeçarin më parë janë interesuar edhe spanjollët e Atleticos së Madridit, që për kartonin e lojtarit ofruan 14 milionë euro, ofertë e cila u refuzua nga klubi brazilian, pasi futbollisti ka një klauzolë largimi prej 30 milionë eurosh.
