Milinkovic-Savic mbetet aseti më i çmuar i Lazios, një futbollist me rritje eksponenciale dhe që kërkohet nga klubet më të mëdha europiane. Bardhëkaltrit, gjithsesi, mbeten të qetë sa i përket të ardhmes së tij, sepse ka kontratë deri në vitin 2022. Bilanci i Lazios është i shëndoshë, madje viti 2017 është mbyllur em një plusvalencë prej 12 milionë eurosh.
Presidenti Lotito nuk ka nxitim për ta shitur 23-vjeçarin, madje mund të luajë në në merkato për të përfituar sa më shumë nga kartoni i tij. Lazio pritet të përfitojë rreth 60 milionë euro nga shitja e emrave të tillë si Biglia, Keita dhe Hoedt, pa qenë nevoja të privohet nga Milinkovic. Mateja Kezman, ish-futbollisti serb, është menaxheri i mesfushorit, të cilin pak kohë më parë e vlerësoi 70 milionë eurom duke iu referuar Transfermarkt.
Por Lotito mendon se Milinkovic vlen dyfishin e kësaj shume, nëse merr në konsideratë lëvizjet që kanë kryer vitin e fundit klubet e mëdha europiane. Fakti që lojtari ka edhe 4 vite të tjera kontratë është arma më e fortë e presidentit Lazios, që pretendon se shtatltari serb vlen 150 milionë euro.
