Anthony Joshua është rikthyer sërish në majën e boksit botëror për peshat e rënda, pasi është hakmarrë ndaj Andy Ruiz për atë humbje të 4 muajve më parë, që i kushtuan edhe katër brezat e artë.
Boksieri britanik këtë herë ishte përgatitur mirë dhe dominoi përballjen gjatë gjithë 12 raundeve, duke u shpallur fitues dhe rimarrë edhe njëherë brezat e tij të artë në WBA, IBF, WBO dhe IBO.
Kujtojmë që 4 muaj më parë Andy Ruiz arriti të mposhtë Joshua në mënyrë të befasishme, duke i marrë edhe brezat e artë, por mbrëmjen e djeshme në Arabinë Saudite gjithçka foli për britanikun 30-vjeçar.