Angli

Antonio Conte kërkon siguri te Tottenham, Juventus pret në “heshtje”

Tottenham dhe Antonio Conte po shijojnë një fillim sezoni fantastik, me skuadrën londineze që në 7 javë ka koleksionuar 5 fitore dhe 2 barazime duke prekur kuotën e 17 pikëve, po aq sa Manchester City.

“Spurs” shihen si pretendent kryesor edhe për titullin kampion dhe nisja i jep të drejt dhe akoma më shumë pas një suksesi me 6 gola, të shtunën përballë Leicester City.

Antonio Conte, “regjisori” i londinezëve tani po mendon edhe për rinovimin e kontratës së tij, por pavarësisht formës së skuadrës deri më tani, italiani kërkon të dijë se deri ku mund të arrijë klubi në merkaton e ardhshme.

Pra, me pak fjalë, Conte dëshiron të informohet mbi buxhetin e Tottenham, pasi dëshiron të ndërtojë një skuadër solide dhe pretendente.

Kontrata aktuale e Conte-s skadon në verën e vitit 2023 dhe sipas medieve angleze, tani kur kampionati do të ndalojë për shkak të ndeshjeve të kombëtareve, trajneri dhe drejtuesit e klubit do të ulen në tryezë për të diskutuar dhe më pas pritet të mësohet edhe e ardhmja e trajnerit.

Ndërkohë, në Itali, këtë situatë e përkthejnë edhe në një formë tjetër dhe kjo ka të bëjë me një rikthim të mundshëm te Juventus, pasi torinezët, sipas medieve italiane e kanë kontaktuar Conte-n dhe i kanë premtuar dorë të lirë dhe tani Antonio thjeshtë kërkon siguri për të ardhmen e tij.

Nëse midis trajnerit dhe drejtuesve të Tottenham do të gjendet gjuha e përbashkët, kontrata e re pritet të firmoset në janar dhe Juventus do të detyrohej të shikonte për alternativa të tjera.

Të Fundit

EVENTET NË SUPERSPORT

To Top
Evolve Web Agency Evolve Web Agency