Tottenhami pësoi humbjen e dytë radhazi në shtëpi, të cilën ia shkaktoi Liverpooli. Dy gola të Mohamed Salah në pjesën e parë vulosën fitoren e “The Reds” në një sfidë që rezulton të jetë ndeshja më “Fair Play” e Premier League-s nëse u referohesh vendimeve ndëshkuese të gjyqtarit kryesor të takimit, Madley.
Asnjë karton i verdhë apo i kuq për lojtarët e të dyja skuadrave, që përtej angazhimit maksimal dhe dueleve të forta në fushë, ka ndërhyrë gjithmonë pa rrezikuar kundërshtarin.
Por këtë statistikë e “prish” në njëfarë mënyrë Antonio Conte, trajner i Londinezëve, që ndëshkua me karton të verdhë në minutën e 71-të për protesta.