Agustin Torasa dhe Idriz Batha përfundimisht nuk do të mund të japin kontribut për skuadrën kampione në fuqi (Tirana) në ndeshjen hapëse të kampionatit, me Kukësin në Korçë. Klubi bardheblu e ka apeluar vendimin për dënimin e tyre me 4 ndeshje pezullim, për shkak të sjelljeve të pahijshme ndaj zyrtarëve në një ndeshje miqësore, por Komisioni i Apelit ka lënë në fuqi Disiplinën.
Një ndeshje të dy lojtarët e kanë shlyer në Kupë dhe nëse do t’iu përgjysmohej dënimi, do të ishin në fushë ndaj Kukësit, pasi do ta shlyenin gjysmën e ndeshjeve me gjobë.
E njëjta gjë vlen edhe për Qudus Lawal të Bylisit, që është pezulluar 5 ndeshje. Edhe në rastin e futbollistit të skuadrës ballshiote është lënë në fuqi vendimi i Disiplinës.
