Juventus është në kërkim të një mesfushori, megjithatë objektivat e bardhezinjve vijojnë të sfumohen, me Arabinë Saudite që prish rregullisht planet e Giuntolit.
Emri kryesor në listën e drejtorit sportiv të bardhezinjve ishte serbi Sergei Milinkovic-Savic, por ky i fundit zgjodhi transferimin në Arabinë Saudite, me Al Hilal që ofroi më shumë si për Lazion, ashtu edhe për mesfushorin serb.
Kështu bardhezinjët kthyen sytë nga një ish-futbollist i Serisë A si Franck Kessie, që nuk u përshtat dot te Barcelona. Por edhe në këtë rast Kessie duket se është joshur nga milionat arabe dhe i ka hapur udhë një transferimi atje.
Në këto kushte Juventusi po studion alternativa të tjera, teksa kryesorja është ajo e ganezit Thomas Partey, i cili luan te Arsenal.
Lexo edhe:
- “E pësuam nga gjysmë raste”, Shehi: Serioz dëmtimi i Selmanit
- Ballkani “prepotent”, shkatërron 1-4 Larnen, humbje e thellë e Dukagjinit
- VIDEO/ Dëshira e Tiranës nuk mjafton, Besiktasi fiton edhe në “Air Albania”
- VIDEO/ Çfarë mëkati, Drita e pëson “in extremis” me penallti, eliminohet nga Viktoria Plzen
Për momentin Giuntoli ka kërkuar vetëm një informacion paraprak mbi mundësitë dhe kostot e kryerjes së transferimit, megjithatë shumë shpejt drejtori sportiv i bardhezinjve mund të përfundojë në Londër për të negociuar me Arsenalin.
Krahas Partey, ndiqet me interes edhe mesfushori 19-vjeçar i Strasburgut, Habib Diarra, i cili bëri një sezon në kufijtë e perfektes dhe ka përfunduar në radarët e shumë klubeve europiane.
