Lyoni dështoi të ngjitej në krye të Ligue 1 pas javës së 20-të. Skuadra e drejtuar nga Rudi Garcia u mposht 0-1 nga Metz, falë golit të shënuar në minutën e fundit të kohës së rregullt nga Lyea. Në minutën e 74-t, Ekambi i Lyonit mundi ta dërgonte topin në rrjetë, por sistemi VAR e anuloi për pozicion jashtë loje.
Më herët, Lille mposhti me përmbysje 2-1 Reims, duke iu bashkëngjitur PSG-së në krye me 22 pikë. Fillimisht shënuan futbollistët miq me futbollistin e përfaqësueses së Kosovës, Arbër Zeneli, por vendësit përbysën shifrat në pjesën e dytë me Bamba (48’) dhe David (90+1’).