Arbëria është pa dyshim surpriza e këndshme e këtyre javëve të para në Superligën e Kosovës. Skuadra më qendër në Dobrajën e Madhe ka fituar thellë 0-3 ndaj Besës së Pejës, duke marrë kryesimin e kampionatit me 7 pikë, 1 shumë se Ballkani, që luan të dielën përballë Gjilanit në transfertë.
Ekipi i drejtuar nga Arbnor Morina shpërtheu në pjesën e dytë, duke shënuar të tre golat e sfidës. Të parin e realizoi Lluguqi në të 49-ën, për të vijuar me golin e ish-mbrojtësit të Partizanit, Labinot Ibrahimi, në të 70-tën, ndërsa llogaritë i mbylli Kashtanjeva tri minuta para përfundimit të kohës së rregullt.
E nis me ambicie të mëdha Arbëria sezonin në Superligë, edhe pse ndoshta duhet të kalojnë edhe disa javë për të kuptuar forcën reale të kësaj skuadre. Gjithsesi, fitoret në dy takimet jashtë fushe dhe barazimi me një kundërshtare shumë të fortë si Prishtina janë indicie për të kuptuar që skuadra debutuese në Superligë do të garojë për shumë më tepër që qëndrimi në elitë.