Arbëria mori një fitore jetike në garën për mbijetesë në IPKO Superligën e Kosovës duke u rikthyer te suksesi pas 4 humbjeve rresht. Sfidën mes dy skuadrave të ardhura nga liga e parë Arbërisë dhe Besës së Pejës e vendosi një gol i Lutfi Bilalit në minutën e 75-të që i dha tre pikët Arbërisë që la në vendin e fundit Besën dhe ndërkohë u ngjit në vendin e 6-të me 14 pikë. Deri tani Arbëria është në rrugën e mbarë për të qëndruar mes më të mirëve të futbollit kosovar ndërsa Besa ka një “mal” të lartë përpara për të ngjitur.
