Kukësi kthen në Superiore Ardit Hilën. Klubi verilindor nëpërmjet një postimi në faqen zyrtare lajmëron nënshkrimin e një kontratë dyvjeçare me mesfushorin elbasanas. 28-vjeçari i bashkohet skuadrës që e mbylli kampionatin në vendin e gjashtë pas një përvojë 2-vjeçare në Superligën e Kosovës me Prishtinën dhe Gjilanin.
Hila është një njohës i mirë i Kategorisë Superiore, pasi ka qenë pjesë e skuadrës se Elbasanit, Teutës dhe Partizanit, madje me të kuqtë ka fituar titullin kampion.
“Më ka munguar Shqipëria. Ika si kampion dhe shpresoj të rikthehem si kampion me Kukësin. Pse Kukësin? Me bindi projekti i Kukësit dhe fakti që luan gjithmonë për trofe, ma bëri më të lehtë zgjedhjen time. Uroj që në Kukës të rikthejmë trofeun e titullit kampion dhe Kupën e Shqipërisë. Forca Kukësi!”, u shpreh Hila në prononcimin e tij të parë si futbollist i Kukësit në faqen e klubit.