Rusi 2018

Argjentina thërret Enzo Perez, injorohet Icardi

Nuk ka rëndësi nëse dikush dëmtohet apo jo, Mauro Icardi nuk ka asnjë shpresë te marre pjesë  në Kupen e  Botes. Dëmtimi i Manuel Lanzinit mund t’i kishte hapur dyert afrimit të sulmuesit interist, por trajneri Jorge Sampaoli edhe një herë tjetër e ka injoruar duke i dërguar një ftesë Enzo Perezit.

Tekniku argjentinas ka preferuar më shumë të grumbullojë futbollistin e River Plate i cili në këtë sezon ka zbritur në fushë në vetëm 18 takime duke mos e prekur rrjetën në asnjë rast, se sa të telefonojë Icardin që e mbylli edicionin me 29 gola të realizuar në Serinë A, edhe pse duhet theksuar se ish kapiteni i Valencias luan si mesfushor me tipare mbrojtëse.

Një tjetër dëshmi e qartë që jo vetëm trajneri , por edhe senatorët janë kundër afrimit të Icardit në skuadrën përfaqësuese. Në prag të Kupës së Botës situata nuk ka shkuar edhe aq mirë për Argjentinën, fillimisht u anulua miqësorja me Izraelin për çështje sigurie, më pas erdhi dëmtimti i rëndë i Lanzinit. “Albiçelestët” nuk kanë pasur mundësinë të kolaudohen si duhet,teksa me datë 16 qershor “La Selecion” do të debutojë kundër Islandës.

 

To Top