Giovanni Simeone është lojtari më i ri i Napolit. Sulmuesi argjentinas vjen pas një sezoni fantastik te Hellas Verona, ekip me të cilin shënoi 17 gola në Serie A.
27-vjeçari ka kaluar në huazim te Napoli (3 milionë euro), klub që do të ketë të drejtën e blerjes së kartonit të tij për 12 milionë euro të tjera.
Nëse ekipi i Spallettit e mbyll këtë sezon mes katër më të mirëve, Napolit do t’i kthehet detyrim blerja e lojtarit argjentinas për 15 milionë euro.
Djali i Diego Simeones – trajneri i Atletico Madrid – ka zgjedhur fanellën me numër 18, ndërkohë që ka firmosur një kontratë 5-vjeçare, nga e cila do përfitojë 1.8 milionë euro në sezon.
“Mirë se vjen Cholito”, shkroi menjëherë në Twitter pas depozitimit të kontratës Aurelio De Laurentiis, presidenti i Napolit, klub që ëndërron fitimin e titullit kampion.
Simeone do të jetë futbollisti i parë argjentinas që do të luajë në “Diego Armando Maradona”. Stadiumi i Napolit mori emrin e legjendës pas vdekjes së tij (25 nëntor 2020).
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?