Armando Brojës i mjaftojnë vetëm 23 minuta lojë për të gjetur golin në sfidën me Tottenhamin, në Londër. Sulmuesi i Southamptonit, i aktivizuar titullar nga trajneri gjerman Hasenhuttle, u gjend në vendin dhe kohën e duhur për të devijuar topin drejt rrjetës, pas pasimit të marrë nga Romain Perraud.
Më herët Tottenhami kishte kaluar në epërsi me autogolin e Bednarek, që në tentativë për të larguar rrezikun e devijoi topin drejt portës së tij, duke kapur në befasi portierin Foster.
Broja pati një tjetër rast të artë në minutën e 36-të, teksa përballë portierit Lloris, paksa prirët, por goditi jashtë.
Në minutën e 70-të, para së të nistë kundërsulmi i vendësve, që u përmbyll me golin e se Son Heung-Min, Armando Broja pësoi një ndërhyrje të ashpër, nga Sanchez, e dënueshme madje për karton të verdhë, por për çudi sistemi VAR nuk ndërhyri në këtë rast, duke e konsideruar golit të rregullt. Sulmuesi shqiptar qëndroi për disa minuta i shtrirë në fushë, ku mori dhe ndihmën mjekësore, megjithatë për fat të keq, kryesori nuk ndyshoi mendje.
Në të 77-tën 20-vjeçari kuqezi i rrëmbeu një top mbrojtjes, depërtoi fuqishëm drejt zonës, por goditja e tij shkoi mbi tra.
Gjithsesi, goli i barazimit të Southamptonit nuk vonoi, me Elyounoussim që devijoi drejt rrjetës krosimin e Ward-Prowese. Vetëm pak çaste më vonë, Adams realizoi golin e përmbysjes së madhe, 2-3.
