IPKO Superliga

Armend Dallku nuk largohet nga Prishtina, kapiten edhe për një sezon

Armend Dallku shuan përfundimisht zërat për një largimin të mundshëm nga Prishtina. Ditët e fundit ishin shtuar raportimet se kapiteni bardheblu do t’i bashkohej Llapit, nën drejtimin e Bylbyl Sokolit, por e vërteta është krejt ndryshe.

Veterani i Prishtinës, ish-futbollist i Kombëtares së Shqipërisë, pas një takimi që ka patur me presidentin e klubit, Remzi Ejupi, ka vendosur të nënshkruajë kontratën e re që e mban të lidhur e skuadrën kryeqytetase edhe për një vit.

Dallku do të vijojë të jetë kapiten i Prishtinës në sezonin e tretë të eksperiencës së tij të dytë te skuadra më e titullar në Kosovë.

35-vjeçari do të mungojë për arsye pezullimi në ndeshjen e parë të sezonit të ri, pikërisht në Superkupën e Kosovës ndaj Dritës, ndeshje që do të zhvillohet më 13 gusht në stadiumin “Fadil Vokrri”.

 

 

To Top