Connect with us

Hi, what are you looking for?

Featured

Armenia shansi i fundit për fitoren e parë, Reja planifikon ndryshime në formacion

Shqipëria do të luajë ndeshjen e fundit për vitin 2022, atë ndaj Armenisë, pasditen e sotme, në orën 17:30, në “Air Albania”.

Kuqezinjtë prezantohen në këtë përballje pas humbjes 1-3 përballë Italisë, ndërsa në takimin e sotëm, trajneri Edoardo Reja pritet të zbresë nga minuta e parë me shumë ndryshime dhe risi, madje do të luajnë nga minuta e parë edhe disa prej lojtarëve të cilët vijnë nga Kategoria Superiore.

Skema nuk ndryshon, pasi italiani nuk heq dorë nga 3-5-2, teksa më portë nga minuta e parë pritet të aktivizohet Elhan Kastrati, i cili po bën shumë mirë në Serinë B italiane.

Në mbrojte nga minuta e parë pritet të luajnë Gurishta dhe Bajrami, ndërsa në balotazh është Kumbulla dhe Mihaj për pozicionin e qendrës, kjo pasi mbrojtësi i Romës vuan një dëmtim të lehtë dhe nëse nuk do të jetë në kondicionin e duhur, vendin e tij pritet ta marrë futbollisti që luan në Portugali.

Në mesfushë pritet të luajë nga minuta e parë Hadroj dhe Hysaj nga krahët, ndërsa në qendër treshja Çokaj, Asllani dhe Laçi.

Mesfushori i Interit, Asllani ka shfaqur probleme, por nuk raportohet për ndonjë dëmtim serioz dhe pritet të luajë nga minuta e parë.

Në sulm do të ketë ndryshime, kjo për faktin se Uzuni është larguar nga grumbullimi ashtu siç ishte njoftuar edhe përpara takimit me Italinë, ndërsa Broja u largua për shkak të dëmtimit të pësuar dhe në repartin e avancuar do të luajë dyshja Muçi – Skuka.

Ky i fundit mori pak minuta me Italinë, por ishte protagonist duke kërcënuar seriozisht portën e italianëve dhe tashmë do të ketë mundësinë të tregojë vlerat ndaj Armenisë nga minuta e parë.

Reja dhe Shqipëria do të kërkojnë maksimumin në këtë përballje, pasi në rast të kundërt, “kuqezinjtë” rrezikojnë të mbyllin vitin 2022 pa asnjë fitore.

Lajme të tjera

Katar 2022

Lionel Messi rikthehet të flasë për triumfin e Argjentinës së tij në Botërorin Katar 2022. Në një intervistë të gjatë kapiteni i kombëtares albiceleste...

Kategoria Superiore

Vesel Limaj u largua nga Tirana drejt Rumanisë, duke ndërprerë me konsensus marrëdhënien me kampionët e Shqipërisë. Për SuperSport, futbollisti nga Malisheva i lindur...

Featured

Gjatë periudhës së merkatos, janë të shumta mundësitë që një lojtar të ndryshojë klub dhe fanellë. Mirëpo, edhe pse shumë të rrallë, ka nga...

Futboll

Portieri i Yeni Malatyaspor, Ahmet Eyup Turkaslan raportohet mes viktimave që humbën jetët nga tërmeti vdekjeprurës në Turqi. Lajmin tragjik e zyrtarizoi trajneri Yalmaz...