Vetëm tre ditë pasi mori një humbje turpëruese në shtëpi ndaj Gjibraltarit, Armenia i dha një leksion futbolli Maqedonisë duke e mposhtur me rezultatin e thellë 4-0 në Yerevan. Armenët mbajtën gjallë shpresat për vendin e parë në grupin 4 të Ligës D pasi tashmë kanë 6 pikë, 3 më pak se Maqedonia që gjithsesi dy ndeshjet e radhës do t’i ketë ndaj 2 kundërshtarëve më të dobët të grupit. Golat e Pizzelli, Movsisyan, Ghazaryan dhe Mkhitaryan fundosën maqedonasit të cilët në këtë sfidë zbritën në fushë me 4 futbollistë me origjinë shqiptare, Musliun, Ademin, Alioskin dhe Bardhin ndërsa në minutën e 76-të hyri në fushë edhe Ferhan Hasani. Në sfidën tjetër të luajtur më herët mes Kazakistanit dhe Andorrës e vlefshme për grupin 1, triumfuan vendasit me rezultatin e thellë 4-0.
